Tramp ABŞ ordusundan əvvəlcə planlaşdırdığından daha tez-tez istifadə etdiyini bildirib.
ABŞ prezidenti Donald Tramp hərbi missiyalar üçün Amerika ordusundan bu qədər tez-tez istifadə etmək məcburiyyətində qalacağını gözləmirdi.
Tramp bu açıqlamanı Ağ evdə keçirilən mərasimdə Venesueladakı ABŞ hərbi əməliyyatları və İranla münaqişəni şərh edərkən verib.
Lent.az bildirir ki, bu barədə “Sky News” məlumat verir.
Tramp hərbi resurslardan bu qədər intensiv istifadə planlaşdırmadığını, lakin ordunun yenidən qurulmasının nəticələrindən məmnun olduğunu vurğulayıb. O, həmçinin qeyd edib ki, Amerika ordusu, o cümlədən İran donanması ilə qarşılaşmaqda, ona həvalə olunmuş tapşırıqları "son dərəcə yaxşı" yerinə yetirir.
ABŞ prezidentinin sözlərinə görə, cəmi iki günlük döyüşdə 58 İran gəmisi məhv edilib. Donald Tramp əlavə edib ki, düşmənin yüksək keyfiyyətli gəmilərə sahib olmasına baxmayaraq, İran tərəfi onlardan səmərəli istifadə etmək üçün lazımi bacarıqlara malik deyil və bu da Amerika qüvvələrinə üstünlük verir.
ABŞ-İran müharibəsi