Son sutka ərzində İranın buraxdığı raket və pilotsuz uçuş aparatlarının sayında ən aşağı səviyyə qeydə alınıb.
"Report" xəbər verir ki, bu barədə ABŞ-nin müharibə naziri Pit Heqset bu gün mətbuat konfransında bildirib.
Nazir vurğulayıb ki, ABŞ təkcə ötən gecə İrana 200 zərbə endirib.
"Zərbələrimiz İran hərbçilərinin əhval-ruhiyyəsini sarsıdır, kütləvi fərariliyə, əsas personal çatışmazlığına gətirib çıxarır. Təkcə ötən gecə biz 200 zərbə endirmişik. Bizim pilotlarımız uçuş zamanı real vaxt rejimində kəşfiyyat məlumatları əsasında yeni hədəf alırlar: yeni buraxılış qurğusu, yeni mövqe, qoşunların yeni düzülüşü", - o deyib.