Uelsin Kardiff şəhərindən olan Fibi Tesorier öz ağır vəziyyətinin səbəbini bir neçə il ərzində həkimlərin simptomlarını sadəcə narahatlıqla əlaqələndirməsindən sonra ChatGPT çat-botu vasitəsilə müəyyən edə bilib.
Lent.az xarici KİV-ə istinadla bildirir ki, qızın vəziyyəti sürətlə pisləşməyə başlayanda o, süni intellektə müraciət edib. Simptomlar arasında ayaqlarda sərtlik, əzələ zəifliyi və saç tökülməsi olub. Fibi məlumatları ChatGPT-yə daxil etdikdən sonra sistem nadir irsi xəstəlik olan irsi spastik paraplegiya ehtimalını irəli sürüb.
Qız nəticələrlə terapevtə müraciət edib və genetik test aparılmasını istəyib. Analizlər diaqnozu təsdiqləyib: Fibidə irsi spastik paraplegiyanın mürəkkəb kvadriplejik forması aşkar olunub. Bu, son dərəcə nadir xəstəlikdir və tədricən bütün ətrafların əzələlərini zədələyir.
Fibinin sözlərinə görə, bundan əvvəl ona dörd il ərzində səhv diaqnozlar qoyulub, o cümlədən narahatlıq pozuntusu və Todd iflici: tutmalardan sonra yaranan müvəqqəti ətraf sərtliyi.
Xəstəlik irəliləyir və artıq yalnız ayaqları deyil, qolları da zədələyir. Buna görə qız xüsusi qayğıya ehtiyacı olan uşaqlar üçün müəllim kimi işini tərk etmək məcburiyyətində qalıb.
Hadisələr