İran yaxın günlərdə Pakistandakı danışıqlar prosesi çərçivəsində ABŞ ilə müharibənin dayandırılmasına dair təklifin yenidən baxılmış variantını təqdim edə bilər.
"Report" xəbər verir ki, bu barədə CNN-in mənbələri bildirib.
Onların məlumatına görə, bu qərar ABŞ Prezidenti Donald Trampın sazişin İran tərəfindən daha əvvəl təqdim edilmiş variantını bəyənməməsi ilə bağlıdır.
Qeyd olunub ki, İranın xarici işlər naziri Abbas Əraqçi Rusiyaya səfərindən sonra Tehrana qayıdacaq və ölkə rəhbərliyi ilə məsləhətləşmələr aparacaq. Bununla yanaşı, mənbələr vurğulayıb ki, qərarın qəbulu prosesi İran hakimiyyətinin daxili fikir ayrılıqları səbəbindən çətinləşir.