Litva Prezidenti Gitanas Nauseda ölkənin hava məkanından digər dövlətlərə qarşı hərbi əməliyyatlar üçün istifadənin qəbuledilməz olduğunu bildirib.
"Report"un BNS-ə istinadən məlumatına görə, o, Litva ərazisinin üçüncü ölkələr tərəfindən bu məqsədlər üçün istifadə olunmadığını və olunmayacağını vurğulayıb.
G.Nausedanın sözlərinə görə, bu cür hərəkətlər suverenliyin və beynəlxalq hüququn pozulması hesab ediləcək.
O, həmçinin qeyd edib ki, Litvanın mövqeyi NATO üzrə müttəfiqlərə və müvafiq beynəlxalq proseslərin iştirakçılarına çatdırılıb.