Adananın Seyhan rayonundakı məscidlərin birində namaz qıldığı zaman infarkt keçirən 70 yaşlı Hüseyn Özgünü məscidin 34 yaşlı mollası Hasan Demir etdiyi ürək masajı ilə həyata qaytarıb.
Lent.az Türkiyə mətbuatına istinadən xəbər verir ki, namaz qılmaq üçün məscidə gələn Hüseyn Özgün namaz əsnasında infarkt keçirərək yerə yıxılıb. Hadisəni görən məscidin imamı Hasan Demir dərhal Özgünün yanına qaçaraq ona ürək masajı etməyə başlayıb.
Ürək masajından sonra Hüseyn Özgün yenidən nəfəs almağa başlayıb və xəstəxanaya aparılıb. Onun vəziyyətinin yaxşı olduğu bildirilib.
hadisə məsciddə hadisə