Əksər insanlar bu əşyadan hər gün istifadə edir. Amma onun nə qədər bakteriya və mikrob topladığını heç təsəvvür belə etmir. Mütəxəssislərin fikrincə, gündəlik istifadə etdiyimiz əşyalar arasında mobil telefonlar, xalçalar və mətbəx süngərləri çox vaxt unitazdan daha çirkli olur. Lakin təmizliyi haqqında demək olar ki, heç düşünmədiyimiz başqa bir əşya da var.
Lent.az bu çirkli əşyanı təqdim edir:
Mütəxəssislər xəbərdarlıq edir ki, gündəlik istifadə etdiyimiz əl çantaları açarlar, pul, dəftər və digər şəxsi əşyaları daşıdığımız çantalar çoxlu sayda bakteriya, o cümlədən nəcis mənşəli mikroblar daşıya bilər. Bunun səbəbi çantaların gün ərzində müxtəlif səthlərlə təmasda olmasıdır: çirkli dəmiryolu platformalarından restoran masalarına qədər. Daha sonra isə həmin çantalar mətbəxə, yataq otağına və digər otaqlara gətirilir. Ekspert Terri Fişer bildirir ki, əl çantaları hətta unitaz oturacağından da çirkli ola bilər, çünki onların üzərində E. coli kimi təhlükəli bakteriyalar və nəcis qalıqları olur.
Bir çox insan mütəmadi olaraq unitazı, mətbəx səthlərini və digər yerləri təmizləsə də, çantalar çox vaxt təmizləmə prosesindən kənarda qalır. Təhlükədən qorunmaq üçün mütəxəssislər çanta, klatç və portfelləri mütəmadi təmizləməyi və ya antibakterial vasitələrdən istifadə etməyi tövsiyə edir. Həmçinin gün ərzində çöldə istifadə etdiyiniz çantanı evdə təmiz səthlərin üzərinə qoymamağa çalışın.
Ev əl çantası bakteriya gigiyena