Mütəxəssislər qeyd edirlər ki, kondensatorun üzərindəki toz təmizləndikdən sonra soyuducunun içində temperaturun nəzərəçarpacaq dərəcədə aşağı düşdüyü hallar müşahidə olunub.
Lent.az xəbər verir ki, soyuducu evdə ən çox enerji sərf edən məişət cihazlarından biridir, çünki o, fasiləsiz işləyir. Lakin elektrik xərclərinə yalnız cihazın modeli deyil, onun daxili hissələrinin təmizliyi də təsir edir. Xüsusilə, söhbət çirkləndikdə cihazın daha çox enerji sərf etməsinə səbəb olan spiral borulardan (kondensator borularından) gedir.
Zmeevikləri (spiral boruları) niyə təmizləmək lazımdır?
Soyuducunun spiral boruları (kondensator) cihazın arxa hissəsində və ya alt hissəsində yerləşə bilər. Onların əsas funksiyası radiator kimi işləyərək daxildəki istiliyi xarici mühitə ötürməkdir. Comfort Appliance Repair şirkətinin eksperti Dennis Qodinyuk izah edir ki, bu hissənin üzərində yığılan toz və kir “yorğan effekti” yaradır. Nəticədə istilik ötürülməsi zəifləyir və cihaz həddindən artıq qızmağa başlayır.
Mütəxəssis qeyd edir ki, qalın toz və heyvan tükləri ilə örtülmüş spiral borular soyuducunun demək olar ki, normal soyutmamasına səbəb ola bilər. Bu hissə təmizləndikdən sonra cihaz daha sakit işləyir, daxili temperatur normaya düşür və enerji sərfiyyatı azalır, çünki artıq cihaz gücünü həddindən artıq istifadə etmir.
Nə vaxt təmizləmək lazım olduğunu necə anlamaq olar?
Aşağıdakı əlamətlər spiral boruların təmizlənməsinin vaxtı çatdığını göstərir: Soyuducu işləyərkən daha çox səs çıxarmağa başlayıb. Məhsullar əvvəlki kimi yaxşı soyumur. Elektrik xərcləri səbəbsiz şəkildə artıb. Vizual baxış zamanı hissələrdə qalın toz təbəqəsi görünür.
Təmizləmə qaydaları
Cihazın normal işləməsi üçün bu proseduru ildə bir və ya iki dəfə etmək tövsiyə olunur. Təmizləmə prosesi olduqca sadədir: əvvəlcə soyuducu mütləq elektrik şəbəkəsindən ayrılmalıdır. Daha sonra spiral borular adi sabunlu məhlul və ya xüsusi təmizləyici vasitə ilə isladılmış süngər vasitəsilə silinməlidir.
Sonda isə həmin hissə təmiz ilıq su ilə yuyulmalı və qurulanmalıdır. Bu sadə addımlar soyuducunun optimal işləməsini təmin edir və əlavə elektrik xərclərinin qarşısını alır.
Ev soyuducu soyuducu təmizliyiMənbə: lent.az