Mövcud vəziyyətdə şəhərsalma siyasətlərinə yeni yanaşmalar əlavə edilməlidir.
"Report" xəbər verir ki, bunu UN-Habitat-ın nümayəndəsi Ayman El-Hefnavi Bakıda Ümumdünya Şəhərsalma Forumunun 13-cü sessiyası (WUF13) çərçivəsində keçirilən "Yaxın Şərq böhranı və onun qlobal mənzil və şəhərsalma sahəsinə təsirləri" adlı müzakirədə deyib.
Onun sözlərinə görə, Yaxın Şərqdəki hazırkı böhran şəhər sistemlərinin bir-biri ilə nə qədər bağlı olduğunu göstərib:
"Enerji qiymətlərinin artması, təchizat zəncirinin pozulması, maliyyə qeyri-sabitliyi və məcburi köçlər birbaşa mənzil əlçatanlığına və şəhər sakinlərinin dolanışığına təsir edir".
Ayman El-Hefnavi mövcud vəziyyətdə fövqəladə maliyyə mexanizmləri, sürətli yenidənqurma fondları və humanitar-inkişaf əməkdaşlığı modellərinin daha vacib hala gəldiyini diqqətə çatdırıb.
Mənbə: report.az