Rəşadət döyüşlərin birində yaralansa da, müailcəsini yarımçıq qoyub yenidən cəbhəyə yollanmışdı.
Bunu "Report"un Qarabağ bürosuna açıqlamasında nəşinin qalıqları mayın 22-də Bərdədə dəfn olunan Birinci Qarabağ müharibəsinin itkin-şəhidi Rəşadət Piriyevin əmisi oğlu Fəzail Piriyev deyib.
O, Rəşadətin müharibənin ilk vaxtlarından döyüşlərdə iştirak etdiyini vurğulayıb:
"Rəşadət əmimin doqquz uşaqlı ailəsində sonbeşik idi. O, müharibənin ilk vaxtlarından Laçın, Ağdam, Kəlbəcər istiqamətində gedən döyüşlərdə iştirak edib. Ağdamda döyüşlərin birində yaralansa da, müalicəsini yarlmçıq qoyaraq hospitaldan birbaşa cəbhəyə yollanmışdı. 1994-cü ilin fevralında Kəlbəcərin Qızıl Qaya istiqamətində gedən döyüşlərdə itkin düşüb. Onun nəşinin neçə ildən sonra tapılaraq dəfn olunması ilə gözümüz yoldan yığıldı. Allah bütün şəhidlərimizə rəhmət eləsin".
Mənbə: report.az