Uruqvay millisinin baş məşqçisi Marselo Byelsa 2026-cı il dünya çempionatından sonra vəzifəsindən ayrılacağını açıqlayıb.
"Report" "A Bola" nəşrinə istinadən xəbər verir ki, 70 yaşlı argentinalı mütəxəssis dünya çempionatı kimi möhtəşəm turnirdə çalışmaq imkanı yaratdığına görə Uruqvay millisinə təşəkkür edib.
Marselo Byelsa Uruqvay yığmasını 2023-cü ilin mayından çalışdırır. Byelsanın rəhbərliyi altında komanda 33 oyun keçirib, bunların 16-da qələbə qazanıb, 10 matçda heç-heçə edib və 7 dəfə məğlub olub.
Qeyd edək ki, iyunun 11-dən iyulun 19-dək ABŞ, Kanada və Meksikada keçiriləcək dünya çempionatında Uruqvay millisi H qrupunda Səudiyyə Ərəbistanı, Kabo-Verde və İspaniya ilə mübarizə aparacaq.
Mənbə: report.az