Azərbaycanın Afrika ölkələri ilə əməkdaşlığı mövcud potensialın qarşılıqlı şəkildə tamamlanması prinsipinə əsaslanır.
"Report" xəbər verir ki, bunu Azərbaycanın Keniyadakı səfiri Sultan Hacıyev Bakıda keçirilən "Afrika Günü"nə həsr olunmuş "Yüksələn qitə, yeni tərəfdaşlıqlar" adlı tədbirdə bildirib.
Diplomatın sözlərinə görə, bir çox Afrika ölkələri artıq əhəmiyyətli uğurlar nümayiş etdirir və faktiki olaraq hətta ən çətin şəraitdə belə nələrə nail olmağın mümkünlüyünə dair nümunə göstərirlər.
O qeyd edib ki, Azərbaycan və Afrika ölkələri arasında tərəfdaşlığın inkişafı potensialın qarşılaşdırılması və qarşılıqlı şəkildə tamamlanması üzərində qurulur: "Tərəfdaşların edə biləcəkləri və Azərbaycanın etdikləri - bu, Afrikada gördüyümüz və Azərbaycanın təklif edə biləcəkləri ilə yaxşı uzlaşa bilən həmin elementlərin qarşılaşdırılmasıdır".
Bununla belə, S.Hacıyev qeyd edib ki, bir sıra Afrika ölkələri hələ də beynəlxalq diqqət və dəstək tələb edən ciddi böhranlar və fövqəladə hallarla üzləşməkdədir.
Mənbə: report.az