2025/2026 mövsümündə Misli Premyer Liqasında ən çox oyun idarə edən baş hakimlər bəlli olub.
"Report"un araşdırmasına görə, siyahıda FIFA referisi Kamal Umudlu liderdir.
31 yaşlı referi 18 qarşılaşmada əsas söz sahibi olub.
Dörd ədalət təmsilçisi 16 dəfə baş hakim kimi təyinat alıb. Bunlar Tural Qurbanov (FIFA referisi), Rəşad Əhmədov, Rauf Cabarov və Kamranbəy Rəhimovdur.
Digər FIFA referisi Elçin Məsiyev Fərid Hacıyev və İnqilab Məmmədovla birlikdə hərəyə 15 dəfə iş başında olublar. Mövsümün sonunda az təyinat alan Əliyar Ağayev isə cəmi 13 qarşılaşmada baş hakim kimi iştirak edib.
Kamal Umudlu (FIFA referisi) - 18 oyun
Tural Qurbanov (FIFA referisi) - 16
Rəşad Əhmədov - 16
Rauf Cabarov - 16
Kamranbəy Rəhimov - 16
Elçin Məsiyev (FIFA referisi) - 15
Fərid Hacıyev - 15
İnqilab Məmmədov - 15
Rəvan Həmzəzadə - 14
Cavid Cəlilov - 14
Əliyar Ağayev (FIFA referisi) - 13
Əli Əliyev - 11
Vüqar Həsənli - 7
Elvin Bayramov - 5
Nicat İsmayıllı - 3
Emin Əliyev - 2
Əkbər Əhmədov - 2
Xatırladaq ki, Misli Premyer Liqasının 2025/2026 mövsümündə 198 oyun keçirilib.
Mənbə: report.az