Minalardan tam təmizlənməmiş ərazilərə girmək həyati təhlükə yaradır.
"Report" xəbər verir ki, bunu mina qurbanlarından biri olan Arif Quliyev "Mina qurbanları üçün iqtisadi imkanların yaradılması-Faza 3" layihəsinin yekunlarına dair mətbuat konfransında deyib.
O, vətəndaşlara müraciət edərək təhlükəli ərazilərdən uzaq durmağın vacibliyini söyləyib:
"Minalardan tam təmizlənməmiş ərazilərə daxil olmayın! Təhlükəsizlik qaydalarına əməl etmək hər kəs üçün həyati əhəmiyyət daşıyır".
A.Quliyev xatırladıb ki, 2021-ci ildə Ağdam rayonu ərazisində təsərrüfat işləri ilə məşğul olarkən mina partlayışının qurbanı olub.
Mənbə: report.az