Avropa İttifaqının (Aİ) Səfirliyi Azərbaycanı Müstəqillik Günü münasibətilə təbrik edib.
"Report" xəbər verir ki, diplomatik missiya müvafiq təbriki "X" sosial şəbəkəsində paylaşıb.
"Müstəqillik Gününüz mübarək, Azərbaycan! Avropa İttifaqı və Azərbaycan enerji, nəqliyyat əlaqələndirməsi, ticarət və "yaşıl keçid" sahələrində əməkdaşlığı gücləndirməyə davam edir. Tərəfdaşlığımızın 30 ili ərzində biz qarşılıqlı hörmətə əsaslanan daha əlaqəli, dayanıqlı və firavan gələcəyin qurulması üzərində birgə çalışmışıq", - məlumatda bildirilib.
Mənbə: report.az