Banan dondurucuda yalnız teksturasını deyil, həm də dadını və orqanizmin ona reaksiyasını dəyişir. Banan dondurulduqda onun tərkibindəki vitamin və lif miqdarı dəyişmir. Lakin təbii şəkərlər daha asan ayrıldığı üçün meyvə daha şirin görünür. Nəticədə sadə, dadlı və faydalı desert əldə etmək mümkündür.
Lent.az xəbər verir ki, banan donduqda onun tərkibindəki su buz halına keçir və kristallar əmələ gətirir. Bu kristallar meyvənin möhkəm quruluşuna cavabdeh olan incə hüceyrə divarlarını dağıdır.
Dondurucudan çıxarıldıqdan və bir qədər əridildikdən sonra bananın iç hissəsi əvvəlki elastikliyini bərpa etmir. Yumşaq, kreməbənzər olur və dondurmanı xatırladır.
Dondurulmuş bananın tərkibi dəyişmir: o, əvvəlki kimi vitamin və liflə zəngin qalır. Lakin dadı və konsistensiyası dəyişdiyi üçün ağızda daha tez parçalanır və tüpürcəklə daha sürətli qarışır. Bu isə dad hissiyyatına təsir edir.
Mütəxəssislər bananın əvvəlcədən qabığının soyulub hissələrə bölünərək dondurulmasını tövsiyə edirlər. Çünki donduqdan sonra onlar çox sərt olur və bıçaqla kəsmək çətinləşir.
Banan dondurulduqdan sonra onun tərkibindəki lif itməsə də, bağırsaqlardakı funksiyası dəyişir. Nişastanın bir hissəsi “rezistent nişasta” adlanan formaya çevrilir. Bu maddə nazik bağırsaqda həzm olunmur, yoğun bağırsağa keçərək bağırsaq bakteriyaları üçün qida rolunu oynayır. Bu isə toxluq hissinə və bağırsaq fəaliyyətinə təsir göstərə bilər. Effekt bananın yetişmə dərəcəsindən və necə əridilməsindən asılıdır.
Sağlam qida dondurulmuş bananın faydası və zərəriMənbə: lent.az