İyunun 14-də Qətər və İsveçrə milliləri arasında keçirilən (1:1) dünya çempionatının qrup mərhələsi oyununda çılpaq qadın azarkeş meydançaya daxil olub.
Lent.az xəbər verir ki, hadisə ABŞ-ın Santa-Klara şəhərində yerləşən "Levi's" stadionunda qeydə alınıb. Çılpaq qadın, təhlükəsizlik əməkdaşları tərəfindən saxlanılana qədər təxminən beş saniyə ərzində tribunaların diqqətini üzərinə çəkə bilib. Maraqlı insident televiziya yayımına daxil edilməyib.
Bu oyundan sonra İsveçrə və Qətər millilərinin hərəsinin aktivində bir xal olub. İsveçrə qrupda birinci, Qətər isə üçüncü pillədə qərarlaşıb.
Qrup mərhələsinin ikinci turunda Qətər iyunun 19-da Kanada ilə, üçüncü turda isə iyunun 24-də Bosniya və Herseqovina ilə qarşılaşacaq. İsveçrə isə ikinci turda iyunun 18-də Bosniya və Herseqovina, üçüncü turda isə iyunun 24-də Kanada millisi ilə üz-üzə gələcək.
İdman xəbərləri Dünya Çempionatı futbolMənbə: lent.az