Özbəkistanın ilk prezidenti İslam Kərimovun kiçik qızı 20 ildən çox evliliyindən sonra multimilyoner əri Timur Tillayevdən boşandığını elan edib.
Lent.az xarici mediaya istinadən xəbər verir ki, Lola Kərimova-Tillayeva iyunun 23-də “Instagram” səhifəsində boşandığını elan edib.
"Özümə gül alıram. Özümü seçirəm. Rəsmi olaraq boşanmışam. Və xoşbəxtəm. Qarşıda maraqlı bir həyat var, həqiqətən də özümüki kimi hiss etdirən bir həyat var", - Özbəkistandakı iki böyük xeyriyyə təşkilatının təsisçisi elan edib.
Lola Kərimova və Timur Tillayevin 2000-ci illərin əvvəllərində evləndikləri məlumdur. Cütlüyün üç övladı var: Ömər adlı bir oğlu və Məryəm və Səfiyyə adlı iki qızı.
Ailənin dünyanın hər yerində lüks mülkləri, o cümlədən Beverli Hillsdəki Le Palais malikanəsi, Los-Ancelesdə villalar və İsveçrədəki daşınmaz əmlakı var. İctimaiyyətə açıq məlumatlara görə, Tillayevin biznesləri İsveçrə və Birləşmiş Ərəb Əmirliklərindəki hesablarda yüz milyonlarla dollar toplayıb.
Son illərdə onlar Özbəkistandan kənarda, əsasən Tillayevin biznes müəssisələrinin olduğu ABŞ, Fransa və İsveçrədə yaşayıblar.
Lola Kərimova Timur Tillayev İslam Kərimov Özbəkistan keçmiş prezident
Mənbə: lent.az