İyun ayının sonlarında Avropanın böyük bir hissəsini bürüyən həddindən artıq yüksək temperatur çoxsaylı ölümlərə səbəb olub.
Lent.az-ın xarici mediaya istinadən xəbərinə görə, iyunun 22-28-də Avropada 20.390 nəfər istidən ölüb.
İqlimoloq Kristofer Kallaqanın təhlili, 2015-ci ildən 2019-cu ilə qədər Avropanın 900-dən çox submilli bölgəsində temperaturun artması ilə ölüm nisbətlərinin necə dəyişdiyini göstərən statistik modelə əsaslanır. Bu model tipik mövsümi dalğalanmaları və regional fərqləri nəzərə alır.
Hesablamalar göstərib ki, gündəlik maksimum temperatur artdıqca ölüm riski sürətlə artır. 40°C-dən yuxarı temperaturda olan günlər həftəlik ölüm nisbətini 25°C ətrafındakı günlərlə müqayisədə 6 faizdən çox artırır. İsti bölgələr istiliyə daha az həssasdır, lakin 40°C-dən yuxarı temperaturda yenə də daha yüksək risklə qarşılaşıblar.
"Ölümlərin böyük əksəriyyətinin bir çox ölkədə temperaturun 40°C-dən yuxarı qalxdığı 22-28 iyun həftəsində baş verdiyi güman edilir", - araşdırmada vurğulanır.
Avropada rekord istilər - son xəbərlər
İyunun sonunda Avropa rekord səviyyədə ən güclü isti dalğalarından birinə məruz qalıb və onlarla temperatur rekordunu qırıb və minlərlə insanın ölümünə səbəb olub.
Təkcə İspaniyada isti hava dalğası təxminən 900, Fransada isə mindən çox insanın həyatına son qoyub.
Macarıstanda hakimiyyət orqanları ölkə daxilində 2000-dən çox kondisionerli soyutma mərkəzinin siyahısını dərc edib. Baş nazir Peter Madyar "iki şiddətli isti günü" elan edib. Macarıstan, Polşa, Rumıniya, Serbiya, Xorvatiya, Slovakiya və Bosniya və Herseqovina sakinlərinə həddindən artıq isti hava barədə xəbərdarlıq edilib.
İsti hava Avropa istidən ölənlər ölüm sayı
Mənbə: lent.az