Zaqatalada aramsız yağan leysan içməli su xətlərini sıradan çıxarmaqla yanaşı elektrik enerjisində də fasilələrə səbəb olub. Artıq neçə gündür rayon mərkəzində və bir sıra kəndlərdə elektrik enerjisinin verilməsində fasilələr yaranır.
Lent.az-ın məsələ ilə bağlı sorğusuna “Azərişıq”dan bildirilib ki, sel elektrik dirəklərini yararsız vəziyyətə salıb:
“Bir neçə kənddə elektrik enerjisinin verilməsində fasilələr yaranıb. Bunun səbəbi sel sularının elektrik dirəklərini sıradan çıxarmasıdır. Suyun səviyyəsi hələ ki çox olduğundan problemli bölgələrə texnika və əməkdaş cəlb edə bilmirik. Lakin vəziyyət nəzarətdə saxlanılır. Ola bilsin ki, bu gün axşam, yaxud sabah məsələ həll olunsun”.
Zaqatala elektrik enerjisi kəsildi Zaqatalaya sel gəldi AzərişıqMənbə: lent.az