“Fənərbaxça”nın və Türkiyə millisinin ulduz futbolçusu İsmail Yükseklə memar Esen Matraşın dəbdəbəli toyundan sonra ailə qalmaqalı yaşanıb.
Lent.az Türkiyə mediasına istinadən xəbər verir ki, nikah mərasimində Esen Matraşdan atasının adı soruşularkən o, bioloji atası Emre Matraşın deyil, onu böyüdən ögey atası Anıl Karaerin adını çəkib.
Bu məqam Esen Matraşla bioloji atası arasında uzun illərdir davam etdiyi bildirilən incikliyi yenidən gündəmə gətirib. Məlum olub ki, gəlin 1990-cı illərdə mahnıları ilə tanınan keçmiş pop ifaçısı və “Matraş Deri” ailəsinin üzvlərindən olan Emre Matraşın qızıdır.
“Bu nikahı etibarlı saymıram”
Qızının nikah mərasimində onun adını çəkməməsinə sərt reaksiya verən Emre Matraş uzun fasilədən sonra sosial şəbəkə hesabını açaraq açıqlama yayıb. O, nikahın etibarsız olduğunu iddia edib:
“Mən illərdir sosial şəbəkələrdən istifadə etmirəm. Açıqlama vermək üçün ilk dəfə hesab açdım. Qızım Esenin evliliyini qətiyyən etibarlı saymıram. Çünki ‘atanızın adı’ soruşulanda ‘Anıl’ cavabı verilir. Qızımın atasının adı Emre Matraşdır”.
Emre Matraş nikahı rəsmiləşdirən şəxslərin də araşdırılmasını tələb etdiyini bildirib:
“Mən bu hadisəni qəbul edə bilmirəm. İsmail və ailəsi qızımı məndən istəməli idi”.
Məsələ ilə bağlı İsmail Yüksek və Esen Matraş hələlik açıqlama verməyiblər. Emre Matraşın “nikah etibarsızdır” sözləri onun şəxsi iddiasıdır və evliliyin hüquqi qüvvəsini itirməsi barədə rəsmi qərar açıqlanmayıb.
İsmail Yüksek Esen Matraş Emre Matraş Fənərbaxça Türkiyə millisi nikah toy ailə qalmaqalı maqazin xəbərləri
Mənbə: lent.az