ABŞ və İran hələ hərbi münaqişədə həlledici üstünlük əldə edə bilməyiblər, ona görə də qarşıdurma aylarla davam edə bilər.
Bu barədə “The Wall Street Journal”ın hərbi analitiklərlə müsahibələrə əsasən hazırladığı materialda deyilir.
Müsahibədə iştirak edən ekspertlərin fikrincə, həm Vaşinqton, həm də Tehran artıq hərbi güc vasitəsilə əldə edə biləcəklərinin həddinə çatsalar da, vəziyyəti daha da gərginləşdirməyə hazır olduqlarını nümayiş etdirirlər.
Qəzet yazır ki, hazırkı çıxılmaz vəziyyət, hər iki tərəf mövqelərini möhkəmləndirməyə və üstünlük qazanmağa çalışdıqca münaqişənin aylarla davam etməsi riskini artırır.
Qəzet onu da qeyd edir ki, İran artıq illərlə davam edən sanksiyalara tab gətirmək və ABŞ-ın ona iqtisadi təzyiq göstərmək cəhdlərinə müqavimət göstərmək qabiliyyətini nümayiş etdirib.
ABŞ İranMənbə: lent.az