İtaliya Futbol Federasiyasının (FIGC) texniki direktoru Paolo Maldini, təşkilat Andrea Pirlonun milli komandanın baş məşqçisi təyinatına mane olarsa, istefa verə bilər.
Lent.az-ın xarici mediaya istinadən məlumatına görə, Xosep Qvardiolanı dəvət etmək cəhdi uğursuz olduqdan sonra Maldini və federasiya müşaviri Leonardo Pirlonu seçiblər.
Onlar 47 yaşlı mütəxəssisin müasir futbol konsepsiyasına uyğun olduğuna inanırlar. Lakin əvvəlki məlumatlarda Pirlonun Rusiyanın FONBET bukmeker şirkəti ilə əlaqələrinin təyinata mane ola biləcəyi bildirilir.
Mənbənin məlumatına görə, Maldini alternativ namizədlər Antonio Konte və Roberto Mançinini rədd edib. Texniki direktor Kontenin tez-tez klub dəyişikliklərindən narazıdır və Mançini 2023-cü ildə İtaliya millisindən ayrıldıqdan sonra onu razı sala bilməyib.
Maldini federasiyada işləməyə razılıq verib, şərti isə yeni baş məşqçini müstəqil şəkildə seçməkdir. Əgər rəhbərlik Pirlonu rədd edərsə, Paolo bunu səlahiyyətlərinin məhdudlaşdırılması kimi qəbul edə və getməyi düşünə bilər.
İdman xəbərləriMənbə: lent.az