"Çelsi" "Kristal Pelas" və Fransa millisinin müdafiəçisi Maksans Lakrua ilə müqavilə imzaladığını açıqlayıb.
Lent.a-zın xarici mediaya istinadla xəbərinə görə, 26 yaşlı fransız futbolçu 2032-ci ilin yayına qədər altı illik müqavilə imzalayıb. "Transfermarkt"ın məlumatına görə, transfer haqqı 60,7 milyon avrodur.
"Bu gözəl klubun bir hissəsi olduğum üçün çox xoşbəxtəm. Hər kəs "Çelsi" əfsanəsini, onun qalibiyyət ənənəsini tanıyır və onun bir hissəsi olmaq mənim üçün böyük şərəfdir. "Çelsi" azarkeşləri bilməlidirlər ki, bu klub üçün əlimdən gələni edəcəyəm", - Lakrua bildirib.
Maksans Lakrua 2024-cü ilin yayında “Volfsburq”dan 18 milyon avroya “Kristal Pelas” komandasına keçib. İki il ərzində o, "qartallar"da 98 oyunda iştirak edib, dörd qol vurub və dörd məhsuldar ötürmə edib.
"Kristal Pelas" ın heyətində Lakrua İngiltərə kubokunu və Super Kubokunu (2025-ci il), eləcə də Konfrans Liqasını qazanıb (2026-cı il).
Bu ilin mart ayında Lakrua Fransa millisində debüt edib və 2026-cı il Dünya çempionatı da daxil olmaqla, yeddi oyun keçirib.
"Çelsi" yeni Premyer Liqa mövsümünü avqustun 24-də "Fulhem"lə səfər oyunu ilə açacaq. Mövsümə hazırlıq çərçivəsində Xabi Alonsonun komandası "Tottenhem" (avqustun 1-i), "Yuventus" (avqustun 5-i), "Milan" (avqustun 8-i), Malayziyanın "Cohor Darul Tazim" (avqustun 9-u) və "Real Sosyedad" (avqustun 15-i) klubları ilə yoldaşlıq oyunları keçirəcək.
İdman xəbərləriMənbə: lent.az