Fransız futbolçu Kilian Mbappe və sevgilisi Ester Espósito İtaliyanın Sardiniya adasında görünüblər.
Lent.az-ın xarici mediaya istinadən xəbərinə görə, Mbappe sevgilisinin şəkillərini çəkərkən kameraya düşüb və Ester şəkilləri bəyənmədikdə, Mbappe getdikcə daha çox şəkil çəkib. Bu anın şahidi olan fanatlar zarafatla "Milyonlarla dollar qazansanız belə, yenə də həmin şəkli çəkməlisiniz, əks halda onun söhbətlərindən heç vaxt azad olmayacaqsınız" şərhini veriblər.
Rəqiblərinə meydanda bir an belə aman verməyən fransız ulduz Kilian Mbappe bu dəfə meydandan kənarda çətin bir sınaqla üzləşib. Ulduz futbolçu məşhur İtaliya tətil adası Sardiniyada aktrisa sevgilisi Ester Esposito ilə yaxalanıb.
Məşhur cütlüyün dənizdən və günəşdən zövq aldığı əyləncəli anları sosial mediada tez bir zamanda trend mövzusuna çevrilib. Mbappenin sevgilisinin şəklini çəkmək üçün göstərdiyi səylər diqqətdən yayınmayıb. Ester Esposito dəfələrlə şəkillərdən məmnun olmadığını göstərdikdə, ulduz futbolçu dəfələrlə deklanşör düyməsini basaraq mövqeyi yeniləməyə davam edib.
Pərəstişkarları bu anlara laqeyd qala bilməyiblər. Sosial mediada böyük səs-küyə səbəb olan görüntülər, "Milyonlarla dollar qazansanız belə, həmin şəkli çəkməlisiniz, əks halda dedi-qodulardan qaça bilməyəcəksiniz" kimi yumoristik şərhlərlə dolub daşıb.
İdman xəbərləri
Mənbə: lent.az