Yüzlərlə pilot İrlandiyanın büdcəli "Ryanair" aviaşirkətinə qarşı məzuniyyət pulunun ödənilməməsi ittihamı ilə London məhkəməsində iddia qaldırıb.
"Report"un məlumatına görə, bu barədə "The Times" qəzeti xəbər yayıb.
İddianın təşəbbüskarı "Ryanair"də dörd il işləmiş keçmiş pilot Riçard Fillips olub. Onun iddiasına 260-dan çox şəxs qoşulub.
"Ryanair"dən başqa, "Storm Global" və "Brookfield Aviation International" işə qəbul agentlikləri, həmçinin "Scanlon Associates" konsaltinq şirkəti də iş üzrə cavabdeh qismində tanınıb.
"Ryanair" reyslərin, sərnişinlərin sayına və hava donanmasının həcminə görə Avropanın ən böyük aviaşirkətidir.
Mənbə: report.az