Sankt-Peterburqdakı Dövlət Ermitaj Muzeyində bir kişi eksponatın kəndir hasarının üstündən aşıb və Georgi zalındakı Böyük imperator taxtında əyləşib.
"Report" xəbər verir ki, bu barədə Rusiya mediası məlumat yayıb.
Hadisə mayın 17-də Moskva vaxtı ilə saat 14:00 radələrində baş verib. Mühafizəçi qayda pozucusunu uzaqlaşdırmağa çalışıb, lakin kişi iki bıçaq çıxarıb və muzey əməkdaşı kənara çəkilib.
Muzey işçiləri dərhal baş verənlər barədə Ermitajın mühafizəsini həyata keçirən Rusiya qvardiyasının əməkdaşlarına məlumat veriblər. Kişi saxlanılarkən müqavimət göstərməyə çalışıb.