Psixoloqların apardığı tədqiqat acı dadlara, xüsusilə də qara qəhvəyə olan sevgi ilə xarakterin spesifik cəhətlərə meyilliliyi arasında əlaqə olduğunu üzə çıxarıb, lakin ekspertlər tələm-tələsik nəticələr çıxarmamağa çağırırlar.
Lent.az xarici mediaya istinadən xəbər verir ki, yalnız südsüz və şəkərsiz qara qəhvəyə, eləcə də digər acı məhsullara (tonik, pivə, turp) üstünlük verən insanlar daha çox spesifik, yəni "qaranlıq" adlanan xarakter cəhətləri nümayiş etdirirlər.
Acı dad və "gündəlik sadizm"
Eksperimentin nəticələri göstərdi ki, acı sevənlər şirin sevənlərlə müqayisədə antisosial təzahürlərə orta hesabla daha yaxındırlar. Tədqiqatçılar ən güclü korrelyasiyanı "gündəlik sadizm" adlanan xüsusiyyətlə - başqalarının uğursuzluqlarından və ya qıcıqlanmasından xırda həzz almağa meyilliliklə müşahidə ediblər.
Acılığa qətiyyən dözə bilməyən insanların isə daha empatiya duyğulu, həssas və əməkdaşlığa meyilli olduğu ortaya çıxıb.
Psixoloqlar bunu həyəcan axtarışı nəzəriyyəsi ilə izah edirlər: təkamül baxımından beynimiz acı dadı zəhərlə əlaqələndirir, buna görə də onun istehlakı orqanizmdə mikrotəşviş siqnalı yaradır. Müəyyən psixotiplər üçün bu daxili gərginlik həzz mənbəyinə çevrilir.
qəhvə hansı qəhvəni sevdiyiniz xarakteri müəyyən edirMənbə: lent.az