Dünya okeanları, göllər, çaylar və sahilyanı sularda oksigen səviyyəsi sürətlə azalır.
Lent.az xəbər verir ki, ABŞ alimlərinin yeni araşdırmasına görə, bu proses su ekosistemlərini təhlükə altına salmaqla yanaşı, iqlim dəyişikliyini daha da sürətləndirə bilər.
Mütəxəssislər bildirirlər ki, suyun isinməsi, çirklənmə, gübrələrdən yaranan qida maddələrinin artması və okeanların turşulaşması suda həll olmuş oksigenin azalmasına səbəb olur. Bunun nəticəsində balıqlar və digər su canlıları üçün yaşamaq çətinləşir, bəzi ərazilərdə isə "ölü zonalar" formalaşır.
Tədqiqat müəllifləri xəbərdarlıq edirlər ki, oksigen çatışmazlığı biomüxtəlifliyin azalmasına, balıqçılığa ciddi zərər vurulmasına və təbii ekosistemlərin pozulmasına gətirib çıxara bilər.
Onların fikrincə, problemin qarşısını almaq üçün həm istixana qazı emissiyalarının azaldılması, həm də su hövzələrinin çirklənməsinin qarşısının alınması vacibdir.
su
Mənbə: lent.az