Düzgün səhər yeməyi ürək-damar xəstəliklərinin inkişaf riskini azalda bilər.
Lent.az xəbər verir ki, bu barədə tanınmış diyetoloq Yuliya Lemetina bildirib.
Həkim yumurta və emal edilmiş ət məhsullarını qoz-fındıq ilə əvəz etməyi məsləhət görüb.
Onun sözlərinə görə, səhər yeməyində yeyilən sadəcə bir ovuc qoz ürəyin fəaliyyətini 17% yaxşılaşdırır və şəkər xəstəliyinə tutulma riskini azaldır. Belə ki, 50 qram kolbasanı paxlalılar və ya qoz-fındıq ilə əvəz edən insanlarda ürək-damar xəstəlikləri riski 23% azaldığı məlum olub.
Həkim səhər yeməyi üçün həmçinin meyvə salatı hazırlamağı tövsiyə edib. Bunun üçün sizə alma, armud, portağal, yarım stəkan badam, bir ovuc qoz kifayətdir.