Bu ilin yanvar-iyul aylarında Azərbaycan Türkiyədən 79,553 milyon ABŞ dolları dəyərində polad idxal edib.
"Report" Türkiyə İxracatçılar Məclisinə istinadən xəbər verir ki, bu, 2025-ci ilin eyni dövrü ilə müqayisədə 42,8 % çoxdur.
İyul ayında Türkiyə Azərbaycana 14,948 milyon ABŞ dolları dəyərində polad ixrac edib ki, bu da 1 il əvvələ nisbətən 38,4 % çoxdur.
Türkiyənin yeddi ayda polad ixracının ümumi dəyəri illik müqayisədə 1,6 % artaraq 7 milyard 755 milyon ABŞ dolları, iyulda isə 2,1 % artaraq 1 milyard 379,998 milyon ABŞ dolları olub.
Türkiyədən ən çox bu məhsulun idxalını Rumıniya 788,862 milyon ABŞ dolları (1 il əvvələ nisbətən 4,5 % az), İtaliya 624,174 milyon ABŞ dolları (-0,7 %) və Böyük Britanya 556,988 milyon ABŞ dolları (+72,5 %) dəyərində həyata keçirib.
Mənbə: report.az