Bu gün işğaldan azad edilmiş ərazilərdə 30 illik fasilədən sonra ilk futbol matçı olacaq.
Lent.az-ın Xankəndinə ezam olunmuş əməkdaşı xəbər verir ki, hazırda Xankəndi stadionunda “Qarabağ” - MOİK görüşünə son hazırlıqlar davam edir.
Bu gün baş tutacaq görüşə saat 14:00-da start veriləcək.
Hakimlər: Əli Əliyev, Şirmamed Mamedov, Taleh Məmmədov, Kamal Umudlu
VAR: Cavid Cəlilov
AVAR: Kamran Bayramov
Hakim-inspektor: Munis Abdullayev
AFFA nümayəndəsi: Emin Cəfərov
Xatırladaq ki, axırıncı dəfə 1993-cü ilin mayında “Qarabağ” Ağdamın “İmarət” stadionunda Tovuzun “Turan” klubu ilə qarşılaşıb və 1:0 hesablı qələbə qazanıb.
Azərbaycan kuboku 1/8 final 21 dekabr (cümə axşamı) 14:00. “Qarabağ” – MOİK Xankəndi şəhər stadionu