Mərhum şahzadə Diananın bir libası “Julien’s Auctions” hərracında rekord qiymətə satılıb.
Lent.az-ın xarici mediaya istinadən xəbərinə görə, söhbət şahzadənin ətəyi mavi tüllü, qara məxmər libasından gedir. O bu geyimlə iki dəfə cəmiyyət arasına çıxıb.
Libasın ilkin satış qiyməti 100 min dollar olub və o 11 dəfə baha qiymətə -2,1 milyon dollara satılıb. Alıcının adı gizli saxlanılır.
Hərracda şahzadənin qarderobundan digər əşyaları da satışa çıxarılıb.
